星期三（8月27日）有個重要約會，就是出席「花樣男子～Final～」的首映禮，沒有想過這套戲可以咁快就在香港上映，可能是因為這套戲在日本票房強勁，為了Keep住旺氣，所以香港片商急急上映。
不過真係想不到，香港首映禮竟然請來幾位奀星出席，而且他們更扮杉菜和Ｆ４．．．天呀～～請不要侮辱這套好戲吧！
21:50準時入場欣賞小惡魔引頸以待的「花男」，怎料入場後，又遇上另一位奀星，唔好話小惡魔刻薄，如果係紅的話，又點會咁得閒起度幫人霸位睇戲！不過開場之後，坐隔離嘅阿毛全場起度嘈住晒，阿毛！依家起度睇戲，唔係起屋企睇電視呀！激鬼死！
講番「花男」先，戲名講明係Final，就緊係最後喇～故事由榊尾葉子編寫道明寺和杉菜的結局。電影有幾幕都很喜歡，例如道明寺的打鬥場面，又或者電影尾段杉菜跟道明寺表示自己永遠都會在道明寺心目中排第二位，然後摸摸自己的肚子，道明寺那個驚喜樣子，又怎會難到出名「一Take過」的松潤丫～還有一幕講道明寺想親近杉菜時，怎料樀木突然衝入他們房間，道明寺那副不自然的表情，笑死我喇～～哈哈！
小惡魔最喜歡一幕就係在無人島上杉菜遺失土星頸錬，努力尋找仍沒有收穫，後來道明寺趕至，杉菜哭著跟道明寺說「對不起．．．我把對我們很重要的項鏈弄丟了．．．」不過道明寺卻說「沒什麽，我在乎的是你這個人，而不是什麽頸錬．．．」另外，松潤跟真央的Kiss戲未免太肉緊喇，佢地唔係拍拖真係唔信呀！
aiko的「KissHug」亦很配合畫面，不過如果可以加插多些電視劇的畫面就更好嘞！唔．．．不過片長已經133分鐘，再加的話加幾多都滿足唔到要求，還是想太多吧！不如放假重溫番「花男」１、２集啦！
「花男」都有不足之處，就是完全沒有道明寺樁的戲份，雖說那時飾演道明寺樁的菜菜子懷孕，但話晒他們是一對感情深厚的姊弟，就算沒有安排戲份，都用一、兩句對白交代下啦！
「花男」２８日正式上映，有同事在上映前已經睇左兩次，她說套戲最少要睇５次先夠，怪不得在日本會咁好票房，因為如果係「花男」粉絲的話，一定唔會睇一次咁小，小惡魔都要挑戰一下，究竟可以睇到幾多次呢？
現在買戲票入場，仲有閃卡送，送完即止。
另外，8月30－31日ARASHI 擔任主持NTV電視台慈善節目「24小時愛心救地球」，所以今個星期大部份雜誌都是他們做封面。
節目松潤除了到柬埔寨探訪愛滋病童外，亦拍攝特別劇「みゅうの足（あんよ）、パパにあげる」（雙腳給爸爸唷），松潤飾演25歲的年輕爸爸，因為突然染上怪病而行動不便，但為了４歲的女兒而與病魔搏鬥，故事改編同名暢銷小說，描寫父女間的親情，４歲女兒看見爸爸不良於行，向飾演妻子的香里奈，表示將自己雙腿給爸爸，故事相當感人，看來小惡魔又要準備大量紙巾收看喇～
留言列表
