o(∩_∩)o小惡魔心美の事務所

上星期睇左套「C+偵探」，之前已聽同事講呢套戲不錯，藉得一看。不過彭順拍嘅戲多數都係水準之作，果然沒有令人失望～～

小惡魔很少去睇戲，所以逢遇上巨大的音量，都要掩埋耳仔。

講番套戲～～劇情都幾緊張，間中又有笑位緩和下緊張氣氛，驚嚇位仲要係完全估唔到，嚇到我差點叫出來。好彩無出醜，如果唔係，就真係有口話人無口話自己啦！

演員方面，廖啟智一向都係好戲之人，不用多說。至於主角郭富城扮演泰國華橋又真係幾似喎，彭順果然無揀錯人。

睇完之後有好多疑團，好似尚有些東西仍未解決。點知‧‧‧原來是有隱世結局架！於是小惡魔上網，尋找隱世結局，不過很多網民都表示不會講結局，因為講左就無意思。又真係既～～於是只好詢問同事。

原來套戲結束後，螢幕出現字幕（我就在此時離場，戲院的工作人員亦呼籲觀眾離去），可是仍有些賴死唔走既觀眾不願離去（包括那位同事）。

字幕打完之後，竟然出現字句「影片尚未結束，迷底正在揭開」，終於都知道真相。這麼令人意想不到既結局，要等推出DVD再重溫一下。